In custos ùrtimos annos, in su campu de s'imaging diannòsticu, b'at àpidu innovamentu tecnolòzicu meda. Su setore de sos ultrasonos est de seguru su chi s'est manifestadu prus ispavillu de cale si siat àteru, a pustis chi ant introduìdu microprotzessores a capatzidade arta de càrculu e, in particulare, a pustis de s'introduimentu de sos "bean former" numèricos chi ant cunsentidu sa recostrutzione numèrica de sas imàzines preservende totu sas informatziones cuntènnidas in sos tessutos, mezorende meda a beru sa risolutzione ispatziale, de contrastu e de particulares, in una manera chi no aiamus galu bidu.

Sos ultrasonos ant tentu mezoros mannos in su protzessu de trasmissione de su sinnale, tirende profetu dae s'introduimentu de sondas noas chi, gràtzias a materiales piezoelètricos noos, ant incrementadu sos coefitzientes de acrobamentu eletromecànicos, a manera de tenner sondas multi-layer, sondas a màtriche e sondas cun lentes particulares de focalizatzione; sos mezoros in sos protzessos de retzinzu de sas imàzines ant cunsentidu de impitare in sa recostrutzione de s'imàzine non in tamen sos ecos fundamentales ebia ma finas sos ecos armònicos essidos dae sos tessutos o dae sas micro-bullas de su mediu de contrastu inietadu in su tzìrculu emàticu.

In su mercadu sunt istados propostos sistemas medas de letura de s'imaging armònicu siat a rapresentatzione istàtica siat a raprentatzione dinàmica siat impitende su sinnale Doppler abinadu a s'iscala de sos grisos. In sa recostrutzione de sas imàzines tocat a amentare finas sa possibilidade de s'ecualizatzione de sa resposta ultrasonogràfica in totu su campu de imaging e sa cumbinatzione de imàzines chi tenent orizontes ispatziales diferentes cun sa possibilidade de tenner rapresentatziones leadas dae puntos diferentes de osservatzione o acuisitzione cun un'estensione de su campu de bista matessi e recostrutzione 3D e 4D.

Sa tomografia numerica at tentu unu mezoru cun s'imbentu de sos aparatos noos ispirales e/o multistratu. Custu at permìtidu de reduìre sos tempos de iscansione cunsentende s'istudiu a definitzione arta de òrganos in movimentu che a su coro e de pessones "difìtziles" comente sos politraumatizados e sos antzianos. Sa formatzione de imàzines a risonàntzia mannètica at estesu s'imprèu suo in s'istudiu de òrganos e de patolozias noas gràtzias a s'introduimentu de secuèntzias lestras noas, a s'imprèu de mèdios de contrastu òrganu-ispetzìficos, a s'intrada in su mercadu de sistemas abertos ma finas a s'imbentu de una casta de bobinas chi cunsentint una resa mezorada de sos gradientes.

Sos machinàrios noos abertos ant cunsentidu de isvilupare protzeduras noas interventìsticas o chirùrzicas RM-ghiadas. Sa formatzione de imàzines numèrica at cunsentidu a sos ultrasonos e a sas àteras modalidades de diannòstica a imàzine de esser archiviados e tramudados cun s'azudu de àteros sistemas PACS (Picture Archiving and Comunication Systems).

S'istandard DICOM at mezoradu custu tratamentu de sa formatzione de s'imàzine. In s'àmbitu de sos ultrasonos, su trasferimentu de sas informatziones custringhet a cumprimer sos "frames" de iscansione, sa modalidade JPEG, MJPEG, e MPEG and Wavelet sunt cussas chi cunsentint de mantenner s'informatzione dinàmica.

In custa setzione de su situ ant a esser analizadas a pagu a pagu e isvilupadas sos pàrreres de sos utilizadores mèdicos a propòsitu de sos benefìtzios diannòsticos ligados cun s'imprèu de custos mezoros tecnolòzicos.