Istùdios

Cunfrontu intre sa ultrasonografia cunventzionale e sa formatzione de Imàzine cun s'Armònica de sos Tessutos in s'istudiu de su dutu biliare comunu in sos patzientes coletzistectomizados


Custa chirca est istada publicata in sa : “Radiologia Medica”, ziornale de sa sotziedade italiana de Radiolozia Meiga.

Pitzente MIGALEDDU - Zosepe VIRGILIO
Ziròlamu CAMPISI - Danilu SIRIGU
Zuliu Tzèsare CANALIS

PROPONNIDA. S’istudiu ultrasonogràficu de su dutu biliare comunu in sos patzientes coletzistectomizados est a s’ispissu impididu dae sa presèntzia de meteorismu, semos e aderèntzias. Finalidade de custu istudiu fiat de istabilire s’utilidade de su Tissue Harmonic Imaging (THI) in custas tzircustàntzias clìnicas. Cun custa tècnica s’imàzine est formada impreende no intamen s’ecu fundamentale ma finas sas armònicas suas. Gasi mezorat su raportu sinzale/rumore e si riduint meda a beru sos artefatos chi s’agatant in sas imàzines ultrasonogràficas cunventzionales.

MATERIALE E MÈTODU. 76 patzientes coletzistectomizados sunt istados istudiados unu fatu a s’àteru (53 F, 23 M; edade mèdia 56,9 ± 14,5 s.d., àmbitu 20-81). Sos patzientes sunt istados esaminados ad istògamu boidu, s’esame est istadu fatu con s’ultrasonografia cunventzionale e cun su T.H.I. Cunforme a sa capatzidade de visualizare sa parte prus distale de su dutu biliare comunu e in particulare de valutare su chi bi fiat cuntènnidu in su lume sos resurtados de su istudiu sunt istados classificados das tres radiòlogos sena connoscher sa valutatzione unu de s’àteru comente insufitziente (1), sufitziente (2), bonu (3), etzellente (4).

RisultaDOS. Su diàmetru mediu de su dutu biliare comunu est istadu de 4,74 ± 2,3 (ambitu: 1,6-13 mm). Cun sa ultrasonografia traditzionale sa visualizatzione est istada insufitziente in su 30% de sos casos, sufitziente in su 52%, bona in su 18%. Cun su T.H.I., sa visualizatzione est istada sufitziente in su 17% de sos casos, bona in su 59% e etzellente in su 24%.10/76 patzientes (13%), teniat càlculos in su dutu comunu de su fele. In custos casos, sa ultrasonografia cunventzionale fiat insufitziente pro sa diànnosi in 5 patzientes. Totus e 3 sos radiòlogos (a, b, c) ant classificadu su T.H.I. mezus chi non s’ultrasonografia cunventzionale cun ecu fundamentale (ETG) (p<0,001, cunforme a su Wilcoxon signed rank test). Sa mèdia (d.s) de sas diferèntzias intre sos radiòlogos A,B e C ponende a cunfrontu THI e ETG est istada per òmine:1.25 (0.57), 1.22 (0.51), 1.09 (0.57). Sas diferèntzias pro totu sos radiòlogos no est istada de sinnificadu istatìsticu intre sos patzientes prus antzianos (subra de 74 annos) e sos patzientes prus zòvanos (P=0,35, Wilcoxon sign rank-sum test). Cun sa valutatzione Kw de Cohen), amus otentu un acordu intre osservadores, mezus cun su THI chi non cun s’ultrasonografia cunventzionale. (0,71 e 0,80 A e B; 0,7 e 0,79 A e C; 0,71 e 0,81 B e C).

CUNCRUIMENTU. Su T.H.I. si dimustrat superiore a sa ultrasonografia cunventzionale in s’istudiu de su dutu comunu de su fele in sos patzientes coletzistectomizados e in particulare in sa identificazione de sos càlculos.

PARAULAS CRAE: Ultrasonografia, THI, dutu comunu de su fele , càlculos, coletzistectomia.