Discussione

S’ìndighe mecànicu artu est ligadu a sa pressione de sa fasca de ultrasonos subra de sas istruturas insonadas e est sa misura de sa potèntzia de sa fasche. S’ìndighe mecànicu est su rapportu intre de sa pressione negativa in su puntu focale e sa frecuèntzia tzentrale de su trasdutore. Una fasche de ultrasonos cun un’ìndighe mecànicu prus bassu de 0.2 produit ecos armònicos non liniares dae sa resonàntzia de sas microbullas; un’ìnditze prus mannu de 1.0 produit sa distruzione de sas microbullas.

S’imaging ccntrastugràficu cun sistemas chi impreant un’ ìndighe mecànicu artu richiedit unu imaging interutu chi cunsentit sa reperfusione de sa lesione e de su parènchima a inghiriu a pustis de sa distrutzione de sas microbullas; duncas, s’impreu de unu sistema cun ìndighe mecànicu artu cheret unu tempus prus longu pro lu imparare de unu sistema chi impreat un’ìndighe mecànicu bassu. In s’esperièntzia nostra, s’ agent detection imaging cun s’osservatzione in tempus reale de s’enhancement de contrastu in sos micro e macro vasos riduit sa learning curve.

Agent detection imaging impreat ambos sos ecos: cussos fundamentales e cussos armònicos de cuntrastu in sa formatzione de s’imàzine. A diferèntzia de sa tècnica cun ìndighe mecànicu bassu in ue s’imàzine fundamentale in iscala de griosos est assente; su programa de agent dectection imaging dat sa possibilidade de visualizare s’imàzine fundamentale in iscala de grisos, petzi s’imàzine de cuntrastu armònicu o ambas umpare. A su cumintzu de s’esame, si podet otenner un’imàzine de partèntzia in iscala de grisos gasi sa lesione est perpendiculare a sa fasche de ultrasonos e in su tzentru de su box in ue est formada s’imàzine armònica de cuntrastu.

Sa visualizatzione de s’enhancement de cuntrastu in sos macro e microvasos intrepàticos cunsentit sa determinatzione de sos contributos arteriosos e portales a sa lesione chi cunsentit de cambiare sos intervallos de s’esame de acordu cun su pattern vascolare de sa lesione. Pro esempru, a causa de sa tzirculatzione ipertzinètica de sa tzirrosi in su epatocartzinoma, bisonzat de otenner sa prima iscansione in 10-15 segundos. In sas iperplasias nodulares focales e in sos adenomas, est mezus isseberare intervallos de iscansione pro istudiare sa fase arteriosa e sa fase portale primadia. Sos emaziomas e sas metàstasis richiedint un’atentzione particulare in sas fases portale e parenchimale tardia. Su tantu de mediu de cuntrastu chi amus impreadu e sa cuntzentratzione sua (4gramos e 400mg/mL) est istadu bastante pro otenner informatziones in ambas duas fases primaria e tardiva (6 minutos).

Sos resultados nostros dimustrant chi sas informatziones acuisidas cun s’imaging de cuntrastu in ambos duos casos: in sa fase de flash e in s’ìnteri de s’osservatzione vasculare in tempus reale est, in manera crara, superiore de cussa otenta cun un’ecografia cunventzionale e cun su color Doppler. S’osservatzione in tempus reale de sos vasos peri- e intralesionales bidos a pustis de su flash de distrutzione de sas microbullas at creschidu informatziones importantes pro sa diànnosi comente sa regularidade o sas irregularidade de sa vascularizatzione. Àteras tecnolozias cun imaging cuntastugràficu chi impreant un’ìndighe cun iscansione intermittente, comente s’inversione de impulsu, Flahs echo, e cadenas de cuntrastu cumbinadu , non dant sas matessis informatziones craras chi est possìbile de tenner cun s’iscansione in tempus reale. In s’esperièntzia nostra, finas sas tecnolozias de imaging cuntrastugràficu in tempus reale chi impreant un’ìndighe mecànicu bassu, comente su contrast coherent imaging, contrast-tuned imaging, and helical biphasic or triphasic CT, non mustrant custos resultados.

S’interpretatzione de s’imàzine (dae s’esperièntzia de Tomografia numerica contrastugràfica) est sèmplitze, bastante obietiva e non dipendet dae s’operadore, comente amus bidu dae sos resultados de sos duos osservadores nostros.

In sa caraterizatzione de sas lesiones epàticas focales, custu mètodu podet mezorare s’ispetzifitzidade diannòstica ca si podent osservare enhancement de cuntrastu diferentes pro patolozias diferentes. Custos resultados importantes dae unu puntu de vista istatìsticu sunt istados otentos cun sa valutatzione de sas imàzines cuntrastugràficas istaticas de flash e cun cussa in tempus reale.

S’esame contrastugràficu est istadu prus pagu ùtile a cunfrontu de s’ecografia cunventzionale e de su color Doppler in sos nòdulos de rezeneratzione e in sas metàstasis. Pro custas urtimas s’aspetu caraterìsticu est sa mancàntzia de s’enhancement in sa fase parenchimale. Esames clìnicos e de laboratòriu sunt importantes in sas maladias crònicas de su fìgadu ca sos epatocartzinomas ipovasculares podent esser leados pro nòdulos de rezeneratzione. Cando sas lesiones agatadas non tenent enhancement in sa fase arteriosa e presentant vasos internos minores e irregulares in sa osserrvatzione in tempus reale, tando est cussizada una biopsia ghiada pro mèdiu desa ultrasonografia. In s’esperièntzia nostra, duos epatocartzinomas sunt istados agatados cun custu pattern de contrastugraficu .

Su “central spider” sign visualizadu in tempus reale in sos nòdulos de s’iperplasia nodulare focale suzerit custa diànnosi in manera forte. Sos vasos arteriosos e venosos podent esser visualizados in su tzentru de sos emanziomas a flussu artu. S’enhancement a lacana visualizadu in sa fase arteriosa podet azuare in sa diànnosi de sos emanziomas a flussu artu.

Concludende, s’agent detection imagig cun Levovist otenit un’ispetzifitzidade arta in sa diànnosi de sas lesiones focales epàticas. Custu imaging podet reduire su bisonzu de esames prus caros e invasivos comente sa CT, MRI e sa biopsia.

Gratzias torradas

Torramus gratzias a Matteo Bottai de su Consiglio Nazionale delle Ricerche de Pisa, Itàlia, chi nos at frunnidu sas anàlisis istatìsticas.