Resultados

Tabellas 2 and 3 dant sos balores de su flash e de cussos vasculares de ambos sos osservadores. Custos resultados mustrant chi sos puntos de sos duos osservadores pro sas tres fases e pro totu sas lesiones umpare sunt meda prus artos che cussos de partentzia (p<0.0001). Sas anàlisis de sos duos osservadores sunt istadas baloradas a banda una dae s’àtera; sas diferèntzias intre de issas sunt istadas sena sinnificadu e in manera istatìstica mai sinnificantes (p>0.05, Wilcoxon’s signed rank test). In sa fase arteriosa est istadu rezistradu in s’epatocatzinoma, unu enhancement primidiu a cunfrontu de su parènchima a inghiriu in 13 casos subra de 15 a (86.7%). Lesiones prus mannas fiant assotziadas a enhancement prus eterozèneu. In sa fase parenchimale regadia , est istadu rilevadu unu washout de su contrastu dae sa lesione a cunfrontu de su parènchima de inghiriu in 12 casos subra de 15 (80%). In totu sos casos, microvasos irregulars sunt istados identificados in sa lesione in s’ìnteri de s’osservatzione in tempus reale (Fig. 1A, 1B, 1C, 1D). In duos casos, no est istadu osservadu un enhancement primidiu in sa fase arteriosa in epatocartzinoma ipovasculares ; petzi unu o prus de unu microvasos in intro de sas lesiones sunt istados osservados in tempus reale. Totu sos adenomas e sas iperplasias nodulares focales ant mustradu s’ enhancement in sa fase arteriosa. Su washout de contrastu in sa fase parenchimale est istadu pagu o assente. Sa presèntzia caraterìstica de un enhancement vascolare in su tzentru de su nòdulu (su “central spider” sign) est istadu identificadu in tempus reale in s’iperplasia nodulare focale (Fig. 2A, 2B, 2C, 2D). Enhancement a lacana in sa fase arteriosa (18/21;85.7%) e aumentu globulare progressivu tzentrìpetu in sas fases a pustis (19/21;90.5%) sunt istados identificados in s’emanzioma (Fig. 3A, 3B, 3C, 3D). Unu pattern ipervascolare primidiu est istadu osservadu in duos emanziomas a flussu artu. Un’enhancement modestu e eterozèneu in sa fase arteriosa est istadu cunfirmadu in carchi metàstasi, e una caraterìstica mancàntzia de enhancement est istada visualizada in sa fase parenchimale regadia (23/23, 100%) (Fig. 4A, 4B, 4C, 4D). Sos nòdulos de rezeneratzione ant mustradu un enhancement minore in sas tres fases e una vascularizatzione peruna in s’ìnteri de s’osservatzione in tempus reale (Fig. 5A , 5B , 5C , 5D). Sos puntos de flash e vascolares pro lesiones diferentes ant riveladu enhancement diferentes in manera sinnificante in onz’una de sas tres fases (p >0.005, Kruskal - Wallis test). Cunfrontadu cun un’imaging traditzionale e cun su color Doppler, sas metàstasis e sos nòdulos de rezeneratzione ant dadu in manera zenerale prus pagas informatziones a cunfrontu de cussas otentas cun s’imaging contrastgràficu, mescamente cun s’osservatzione in tempus reale.