Materiales e Mètodos

Tecnolozia

Sa màchina ultrasonografica impreada in s’istudiu nostru fiat unu Sequoia 512 Imagegate (Acuson, Siemens) cun s’agent detection imaging chi impreat un’ìndighe mecànicu artu (su prus 1.9) netzessariu pro sa destrutzione de sas microbullas. Custu programa est diferente de su chi impreamus a su sòlitu ca s’impulsu fundamentale est produidu cun una sonda a banda istrinta chi cunsentit de partire in retzidura, sena sovrapositzione, sos ecos fundamentales dae sos sinnales armònicos chi arrivant dae su tessutu e dae su flussu de su sàmbene. Custa solutzione cunsentit de tenner una resolutzione de contrastu prus arta ,un’otima resolutzione ispatziale e de sos particulares. S’agent detection imaging est una tecnolòzia chi podet colare sos lìmites de unu esame istàticu ca permit pro unu tempus curtzu (nois amus isseberadu 3 segundos)un imaging contrastugràficu in tempus reale. Custu programa impreat un’ìndighe mecànicu artu e duncas est capazu de relevare su sinnale armònicu chi si produet dae sa destrutzione de sas microbullas cuntènnidas in sos macro e microvasos chi sunt in sa rezione de interessu delimitada dae su box de su color Doppler. Su sinnale a banda larga zeneradu dae sa destrutzione de sas microbullas in sa rezione de interressu de su box est interpretadu che unu sinnale pseudo-Doppler ligadu a sa mancàntzia de currelatzione intre de sa trasmissione e su de retzidura, comente zai mustradu cun s’emissione acùstica istimulada [4]. S’emissione acùstica istimulada est impreada pro visualizare su mediu de contrastu. Cun custu mètodu est finas impreadu unu ìndighe mecànicu artu, sas microbullas sunt destruidas e custa distrutzione faghet nascher sos ecos armònicos de arta frecuèntzia cun modellos casuales. Custos ecos sunt codificados a colores e impreant s’ iscala de sa velotzidade de su color Doppler;s’agent dectecion imaging codificat su sinnale cunforme a s’intensidade de s’enerzia de s’iscala de su color Doppler. Cun su agent detection imaging cando s’ìndighe mecànicu artu est ativadu e s’imaging cunventzionale in iscala de grisos benit a esser imaging armònicu de contrastu. Cust’imàzine est caraterizada dae unu flash lestru e gasi su bonu de sas microbullas in su livellu de iscansione sunt destruidas. Custu sonograma est su primu osservadu, sighidu dae s’osservatzione in tempus reale de cussos sonogramas chi cuntenint sinnales armònicos chi arrivant dae sa destrutzione de sas microbullas presentes in su flussu de su sàmbene de sos macro e microvasos in ghirriu e in intro de sa lesione istudiada.

Metodolòzia

Su mediu de contrastu impreadu fiat su Levovist in doses de 4 gramos dados cun un’inietzione a bolu (in 2-3 segundos) in una cuntzentratzione de 400 mg/mL.

Primariamente, amus fatu un’imaging cunventzionale o un’imaging armònicu de tissudu de sa lesione e sa valutatzione de sa vascularizatzione sua cun su color Doppler. Pro istudiare petzi una lesione, sas imàzines sunt istadas acuisidas in tretos de tempus diferentes dae 10 a 15 segundos, dae 20 a 30 segundos e 1, 2, 3, 4, 5, e 6 minutos a pustis de s’inietzione. Impreende custos intervallos de tempus, sas fases de enhacncement arteriosu, portale e parenchimale sunt istadas visualizadas.

Cando s’agent detection imaging est ativadu, si distruent sas microbullas e nde derivat unu flash contrastugràficu istantàneu. Custu passu est sighidu dae s’osservatzione in tempus reale de sos macro e microvasos mìnimu pro 3 segundos.

Patzientes

Sunt istados esaminados 74 patzientes, e de custos, 65 sunt istados includidos in s’istudiu nostru (21 òmines e 44 fèminas; cun un’edade dae sos 8 a sos 82 annos; edade media ± iscartu mediu [IM], 58.1± 14.5 annos). Noe patzientes (12%) sunt istados escludidos, ses ca sas imàzines issoro non fiant bastantes pro tecnica e tres ca sa diànnosi non podiat esser cunfirmada. Sunt capitados problemas tènnicos in sos ses patzientes escludidos petzi a su cumintzu de s’istudiu e mustrat sa curva de s’aprendimentu nostru. Sas resones prus frecuentes de faddida sunt istadas o sa collaboratzione iscarsa de sos patzientes o sa profundidade de sas lesiones. Pro eliminare sos esames sena sutzessu, amus impreadu un’acostiamentu intercostale chi at reduidu sa distàntzia intre de su trasdutore e sa lesione e eliminadu s’alenu profundu netzessariu pro sos esames subcostales. Sos repertos nostros sunt istados emanziomas (n= 21); adenomas (n= 2); iperplasias nodulares focales (n= 9);epatocartzinomas (n= 15); nòdulos de rezeneratzione (n= 5); e metàstasis (n= 23) dae neoplasias de su colon (n= 10), de sa mamidda (n= 9), de sa bussica (n= 1), neuroendòcrinas (n= 2) e de sa pròstata (n= 1).

Sa diànnosi est istada cunfirmada cun una Tomografia Numèrica pro sos emanziomas (francu pro unu patziente cun una diànnosi istolòzica a pustis de una nodulectomia laparoscòpica pro unu epatocartzinoma suspetu in una epatopatia crònica; Sa Tomografia Numèrica e sa biopsia percutànea ant cunfirmadu sa diànnosi de adenomas, de iperplasias nodulares focales, de epatocartzinomas e de sos nòdulos de rezeneratzione. Duos casos de metàstasi a su colon sunt istados cunfirmados cun sa biopsia in s’ìnteri de un’interventu chirùrzicu pro sa neoplasia primaria. In unu patziente cun epatocartzinoma, sa Tomogràfia Numerica no est istada fata pro un’intolleràntzia sua a su mediu de contrastu a su iòdiu; sa diànnosi est istada cunfirmada petzi cun sa biopsia percutànea.

Anàlisi de s’imàzine

Sas ecografias sunt istadas baloradas dae duos osservadores ,duas bias a sa tzurpa, sena connoscher sa diànnosi finale o su baloramentu de s’àteru osservadore.

Amus cunfrontadu s’imàzine de partèntzia in s’iscala de grisos cun sas imàzines contrastugràficas. Sa prima imàzine est istada otenta 10-15 segundos a pustis de s’inietzione de su mediu de ccntrastu, e risultat in un’imàzine de flash contrastugràficu de sa fase arteriosa. Sa segunda imàzine est istada otenta 20-30 segundos a pustis de s’inietzione, resultende in un’imàzine de flash contrastugràficu de sa fase portale.Sas imàzines chi sighiant sunt istadas otentas a 1,2,3,4,5,e 6 minutos in sa matessi manera a de mustrare su enhancement de contrastu in sas fases parenchìmales primidias e regadias.

Sos puntos de s’analisi de su flash reguardaiant s’assèntzia o sa presèntzia de s’enhancement in sa lesione cunfrontadu cun su parènchima a inghiriu; sa mancàntzia de enhancement, s’ enhancement a lacana , s’omozeneidade de s’ enhancement, e si s’ enhancement est istadu de mancu, su matessi o de prus mannu de cussu de su parènchima a inghiriu. A s’enhancement e a s’omozeneidade est istadu dadu unu balore numèricu dae 0 a 4.5.

Sos puntos de s’analosi de sos vasos reguardaiant su cunfrontu de sas imàzines de partèntzia de su color Doppler otentas in tempus reale impreende s’imaging armònicu contrastugràficu in sas fases arteriosa, portale e parenchimale . Custos cantos datos sunt istados partzidos intre de enhancement lebiu, mediu, o artu o cunpàrfida regulare e irregulare de sos macro e microvasos a inghiriu o intro de sa lesione. A custu baloramentu sunt istados dados baloree numèricos dae 0 a 3.5. (Tabella 1).

Sos datos sunt istados analizados impreende Wilcoxon’signed rank test e Kruskal-Wallis test [9, 10 ].