Istùdios

Caraterizatzione de sas lesiones focales de su fìgadu in Tempus reale impreende s'imaging armònicu cun ìndighe mecànicu artu e mediu de contrastu Levovist


Custa chirca est istada publicata in sa : “American Journal of Roentgenology”.

V. Migaleddu1, G. Virgilio, D. Turilli, M. Conti, G. Campisi, N. Canu, D. Sirigu and I. Vincentelli

1Totu sos autores: Sardinian Mediterranean Imaging Research Group, Via Gorizia no. 11, Sassari 07100, Sardinia, Italy.

Estratu

Obietivu. S’iscopu de custu istudiu fiat su de caraterizare sas lesiones focales de su fìgadu impreende s’agent detection imaging e su Levovist

Materiales e mètodos. Sessanta chimbe patzientes (21 òmines e 44 fèminas; edade dae sos 8 a sos 82 annos; cun una edade media ± iscartu mediu, 58.1 ± 14.5 annos) sunt istados valutados in manera indipendente dae duos osservadores in a manera tzurpa impreende imàzines sonogràficas zai memorizadas. Settanta chimbe lesiones sunt istadas agatadas: 15 cartzinomas epàticos, noe iperplasias nodulares focales, duos adenomas, 21 emanziomas, 23 metàstasi, e chimbe nòdulos de rezeneratzione. Noe patzientes sunt istados esclusos (ses pro fartas tènnicas, tres pro diànnosi non cumproada). Su programa nou a ìndighe mecànicu artu est istadu impreadu pro rivelare sa potèntzia de sas respostas armònicas zeneradas dae sa destrutzione de sas microbullas de contrastu. A pustis de una inietzione intravenosa de 4 gramos de Levovist cun una cuntzentratzione de 400 mg /mL, imàzines tardadas sunt istadas impreadas pro istudiare s’enhancement de sa lesione in sas fases arteriosa, portale e parenchimàtica. Duos cunfrontos sunt istados fatos. Su primu est istadu intre de s’imàzine in B-mode e sa prima imàzine cuntrastogràfica a pustis de su flash. Su segundu cunfrontu est istadu intre de sos sonogramas de su color Doppler e sas imàzines de perfusione de su contrastu in tempus reale.

Resultados. Sas imàzines cuntrastogràficas a pustis de su flash e cussas in tempus reale ant dadu prus informatziones pro sa caraterizatzione de sas lesiones de cussas imàzines otentas cun s’iscala de grisos e de cussas cun su color Doppler(p<0.0001, Wilcoxon’s signed rank test). Castas diferentes de lesiones ant mustradu in manera istatìstica sinnificante importantes diferèntzias de enhancement in s’ìnteri de custas tres fases vasculares (p<0.005, Kruskal - Wallis test). Lesiones cun enhancement cuntrastogràficu prus bassu fiant metàstasi e nòdulos rezenerativos. Acordu bonu b’aiat intre de sos duos osservadores; sas diferèntzias non sunt istadas sinnificantes in manera istatìstica (p<0.05).

Conclusiones. S’Agent detection imaging cun su Levovist creschet sa cunfidèntzia diannòstica in sa caraterizatzione de sas lesiones focales epàticas cunforme a sa ultrasonografia istandard.