Sas chircas de su grupu nostru in custos ùrtimos tempos sunt istadas incaminadas chirru a s'imprèu de mèdios de contrastu ultrasonogràficos a micro-bullas e chirru a s'abaloramentu de sa funtzione issoro in sa diànnosi ultrasonogràfica.

Colada sa fase de s'imprèu de infoprogramas (o programas informàticos) de rilevamentu a indicadore mecànicu artu cun tècnica intermitente e cun visualizatzione istàtica, sa chirca s'est incaminada chirru a mèdios de contrastu in resonàntzia cun imprèu de infoprogramas de relevamentu a indicadore mecànicu bassu e in s'anàlisi de sos resurtados otentos cun s'imprèu de infoprogramas de rilevamentu a indicadore mecànicu artu cun tècnicas de destrutzione ma cun osservatzione in tempus reale.

Sos campos de interessu printziplaes sunt a dies de oe sa determinatzione de s'utilidade diannòstica de su mediu de contrastu in s'identificatzione e in sa caraterizatzione de sas lesiones focales de su fìgadu; in sa cuantificatzione de su trànsitu de sas micro-bullas in intro de su fìgadu sanu e patolòzicu a pustis de un'inietzione a bolu ; in s'istudiu de sos tempos de trànsitu de su mediu de contrastu in su rene sanu e in su rene malaidu de nefropatias mèdicas; in s'utilidade de su mediu de contrastu pro sa diànnosi diferentziale de sas lesiones focales renales de unos 3 cm.

Àteros istùdios prevident s'imprèu de su mediu de contrastu in resonàntzia e in destrutzione in àteros òrganos e istruturas che a sa mamidda, sa pròstata, sos testìculos, sas istruturas mùsculu-tendìneas e cun s'istero salpingo sonografia, s'istudiu de sa cavidade uterina e de sos annessos.