Pro imparare

Chie s'acùrtziat a sa diannòstica a imàzines, a s'ispissu tenet su bisonzu de informatziones elementares e ischemàticas chi li podant crarire deretu su profetu de sas metòdicas chi at a impitare e sas primas problemàticas chi cherent solutzionadas pro cunsentire chi s'imprèu de sas metòdicas matessi siat fatu in manera zusta.

In custa setzione, ant a esser presentadas sas notas metodolòzicas e interpretativas chi podant azuare a imparare in s'imprèu de una metòdica, a manera chi podat esser isfrutada mezus in sa diànnosi de totu sas patolozias de òrganu e de aparatu.

Unu de sos primos òrganos chi si nos presentat cando imparamus a impitare sas metòdicas de diannòstica a imàzine est de seguru su fìgadu. Amus a aberrer custa setzione cun una presentada ischemàtica de sa partzidura segmentaria de su fìgadu, chi pessamus chi siat de azudu pro sos dischentes, a manera de identificare sos puntos de ghia chi podant incaminare a s'istudiu de un'òrganu gasi cumplessu.